28 декабри соли 2022 дар бинои Консулгарии генералии Ҷумҳурии Тоҷикистон дар ш.Санкт-Петербург пахши мустақими телевизионии паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон сурат гирифт.

Дар ҷамъомади мазкур барои тамошои Паёми Пешвои миллат, роҳбарони диаспораи тоҷик дар ш.Санкт-Петербург, кормандони муассисаи консулӣ ва донишҷӯён ширкат варзиданд.

Дар паёми худ Президенти Ҷумҳурии Тоҷикистон вазъи кунунии рушди кишварро мавриди арзёбӣ қарор дода, самтҳои асосии сиёсати дохилию хориҷии Тоҷикистонро муайян намуд.