Дар бинои муассисаи консулӣ мусоҳибаи Консули генералӣ бо сармуҳаррири маҷаллаи “САМТ Журнал”, ки бо ибтикори ҷавони ватандуст Матин Муҳиддинов дар кишвари иқомат ташкил шудааст барпо гардид.

Матин Муҳиддинов иброз намуд, ки ҳадафи аслии ин маҷалла пеш аз ҳама баланд бардоштани обрӯю симои Тоҷикистон дар минтақаи иқомат мебошад. Мо нишон медиҳем, ки тоҷикон ворисони Сино, Рӯдакӣ ва Фирдавсӣ ҳастанд.

Дар фарҷом Консули генералӣ ба ӯ бурдборӣ ва муваффақиятро таманно намуда изҳори умед кард, ки дар маҷалла аз ҳаёти шаҳрвандон ва муҳоҷирони тоҷик мақолаҳои бештаре чоп хоҳад шуд.